Акафист Архангелу Божию Михаилу (текст с ударением)

Молитва, содержащая икосы, кондаки и читаемая стоя, называется акафистом. Они посвящены горнему (духовному) миру – Господу, Богородице, небесным жителям, прославленным в лике святых, ангелам и архангелам.

В молитвенном тексте при чтении делается акцент на ударении в словах. Одна из таких сильных молитв — текст с ударением, акафист архангелу Михаилу, посвящённый главному небесному полководцу небесной армии Бога.

Акафист Архангелу Божию Михаилу (текст с ударением)

Акафист Архангелу Михаилу (текст на русском и с ударениями)

Различие в текст с ударением акафиста архангела Михаила, как и многих других молитв, связано с тем, что церковным языком является не русский, а церковнославянский язык. В отличие от русского языка, несмотря на его богатство,  особенностью церковнославянского языка является чистота, то есть на нём невозможно ругаться, сквернословить.

Акафист Архангелу Божию Михаилу (текст с ударением)

Различие в текст с ударением акафиста архангела Михаила, как и многих других молитв, связано с тем, что церковным языком является не русский, а церковнославянский язык

Ударение несёт в себе смысловую нагрузку слова и способно его менять как в отдельном слове, так и в целой фразе. Ударение задаёт интонацию слову. Поэтому его значение тоже важно и в тексте акафиста архангелу Михаилу на русском языке.

Сравнив оба текста, вы почувствуете разницу между современным языком и древним, через произношения слов. Пользуясь церковнославянским словарём легко найти значение незнакомых слов. Их те так уж и много, чтобы не понимать смысл молитвы.

Конда́к 1.

Избра́нный Небе́сных си́л воево́до и ро́да челове́ческаго засту́пниче, сие́ тебе́ и́же тобо́ю от ско́рбных избавля́еми, благода́рственное прино́сим пе́ние: ты́ же, я́ко предстоя́й Престо́лу Царя́ Сла́вы, от вся́ких на́с бе́д свобожда́й, да с ве́рою и любо́вию в похвалу́ тебе́ зове́м:Ра́дуйся, Михаи́ле, вели́кий Архистрати́же, со все́ми Небе́сными си́лами.

И́кос 1.

Я́ко а́нгельских огнезра́чных лико́в предстоя́теля, а́нгельскими у́бо и язы́ки подоба́ше восхвали́ти тя́, Михаи́ле: но до́ндеже вразумля́еми тобо́ю навы́кнем безпло́тных глаго́лом, услы́ши, а́ще и от челове́ческих, оба́че благода́рных усте́н, сицева́я:

Ра́дуйся, звездо́ ми́ра первообра́зная; ра́дуйся, свеще́ и́стины и пра́вды златоза́рная.

Ра́дуйся, луче́й све́та несозда́ннаго пе́рвый во а́нгельских ликостоя́ниих прие́мниче; ра́дуйся, А́нгелов и Арха́нгелов нача́льниче.

Ра́дуйся, в не́мже наивя́щше светле́ется сла́ва Тво́рческия Десни́цы; ра́дуйся, и́мже красу́ются собо́ры все́х суще́ств безпло́тных.

Ра́дуйся, Михаи́ле, вели́кий Архистрати́же, со все́ми Небе́сными си́лами.

Конда́к 2.

Прови́дяще ве́ры очеса́ми вели́чие духо́вныя красоты́ и си́лу молниено́сныя десни́цы твоея́, Арха́нгеле Бо́жий, мы́, я́ко земни́и и пло́тию обложе́ннии, удивле́нием, ра́достию и благодаре́нием ко Творцу́ вся́ческих исполня́емся, зову́ще со все́ми Небе́сными си́лами: Аллилу́иа.

И́кос 2.

Ра́зум чи́ст и свобо́ден от страсте́й испроси́ на́м, пречу́дный Михаи́ле, Небе́сных чино́в нача́льниче, да, возне́сшеся мы́слию от земны́х к Небе́сным, хвале́бную пе́снь воспое́м ти́ си́це:

Ра́дуйся, Бо́жия неизрече́нныя красоты́ и добро́ты ближа́йший зри́телю; ра́дуйся, всеблаги́х сове́тов Пресвяты́я Тро́ицы преи́скренний таи́нниче.

Ра́дуйся, преве́чных суде́б Тро́ических ве́рный исполни́телю; ра́дуйся, ему́же с любо́вию удивля́ются Небе́сная во́инства.

Ра́дуйся, его́же с ве́рою прославля́ют земноро́днии; ра́дуйся, его́же трепе́щут а́дския си́лы.

Ра́дуйся, Михаи́ле, вели́кий Архистрати́же, со все́ми Небе́сными си́лами.

Конда́к 3.

Си́лу необори́мыя ре́вности по сла́ве Бо́жией в себе́ явля́я, ста́л еси́ во главе́ лико́в а́нгельских, Михаи́ле, проти́ву ды́шащаго зло́бою, прего́рдаго денни́цы, ему́же со те́мными клевре́ты его́ с высоты́ небе́сныя в преиспо́днюю низве́ржену су́щу, во́инства Небе́сная, тобо́ю пресла́вне води́мая, с весе́лием, я́ко еди́ными усты́, пред Престо́лом Бо́жиим возгласи́ша: Аллилу́иа.

И́кос 3.

И́мать тебе́, Арха́нгеле Михаи́ле, ве́сь ро́д христиа́нский вели́ка засту́пника и ди́вна во бра́нех с проти́вными помо́щника: сего́ ра́ди пречу́днаго покро́ва твоего́ сподо́битися жела́юще, в де́нь торжества́ твоего́ взыва́ем ти́ си́це:

Ра́дуйся, и́мже сатана́, я́ко мо́лния, с Небесе́ низве́ржеся; ра́дуйся, и́мже храни́мый ро́д челове́ческий к Небеси́ восхо́дит.

Ра́дуйся, всесве́тлаго ми́ра Го́рняго преди́вное украше́ние; ра́дуйся, па́дшаго ми́ра до́льняго пресла́вное заступле́ние.

Ра́дуйся, николи́же си́лами зла́ побежде́нный; ра́дуйся, со все́ми А́нгелы Бо́жиими во и́стине и пра́вде на ве́ки благода́тию Бо́жиею утвержде́нный.

Ра́дуйся, Михаи́ле, вели́кий Архистрати́же, со все́ми Небе́сными си́лами.

Конда́к 4.

Бу́ри искуше́ний и бе́д изба́ви на́с, А́нгелов первопресто́льниче, с любо́вию и ра́достию пресве́тлое торжество́ твое́ соверша́ющих: ты́ бо еси́ в беда́х вели́кий помо́щник и в ча́с сме́рти от злы́х духо́в храни́тель и засту́пник все́х вопию́щих твоему́ и на́шему Влады́це и Бо́гу: Аллилу́иа.

И́кос 4.

Ви́дяще твое́ проти́ву по́лчищ сатани́нских дерзнове́ние, вси́ чи́нове а́нгельстии с ра́достию подвиго́шася восле́д тебе́ на бра́нь за и́мя и сла́ву своего́ Влады́ки, вопию́ще: кто́ я́ко Бо́г? Мы́ же, ве́дуще сатану́ под нога́ма твои́ма пове́ржена, тебе́, я́ко победи́телю, зове́м:

Ра́дуйся, и́мже ми́р и тишина́ на Небеси́ водвори́шася; ра́дуйся, от него́же ду́хове зло́бы да́же до а́да низложи́шася.

Ра́дуйся, а́нгельския во́инства и си́лы ми́ра неви́димаго ко истребле́нию зла́ направля́яй; ра́дуйся, прю́ и возмуще́ние стихи́й ми́ра ви́димаго незри́мо укроща́яй.

Ра́дуйся, подъе́млющих бра́нь к духово́м зло́бы поднебе́сным ди́вный спобо́рниче; ра́дуйся, изнемога́ющих во искуше́ниих и напа́стех ве́ка сего́ кре́пкий помо́щниче.

Ра́дуйся, Михаи́ле, вели́кий Архистрати́же, со все́ми Небе́сными си́лами.

Конда́к 5.

Богото́чный исто́чник превели́ких чуде́с яви́лся еси́ во хра́ме твое́м, и́же в Хо́нех; не то́чию бо зми́й вели́кий и стра́шный, на ме́сте то́м пребыва́вый, си́лою твое́ю потреби́ся, но и струи́ водны́я, вся́кий неду́г теле́сный врачу́ющия, откры́шася, да вси́ прославля́ющему тя́ Влады́це А́нгелов с ве́рою зову́т: Аллилу́иа.

И́кос 5.

Слы́шаще и ве́дуще тя́ я́ко свети́ло вели́кое, посреде́ лико́в а́нгельских блиста́ющася, пречу́дный Михаи́ле, к тебе́, по Бо́зе и Пресвяте́й Ма́тери Бо́жией, прибега́ем: озари́ луча́ми све́та твоего́ все́х на́с, вопию́щих ти́ си́це:

Ра́дуйся, вождю́ и храни́телю в пусты́ни наро́да богоизбра́ннаго; ра́дуйся, высо́кий посре́дниче зако́на, руко́ю Моисе́а на Сина́и да́ннаго.

Ра́дуйся, у него́же судии́ и вожди́ Изра́илевы си́лу и покро́в обрета́ху; ра́дуйся, чрез него́же проро́цы и первосвяще́нницы иуде́йстии да́р ве́дения от всеве́дущаго Бо́га приима́ху.

Ра́дуйся, богобоя́зненныя законода́вцы та́йною прему́дростию снабдева́яй; ра́дуйся, су́д и пра́вду творя́щим бла́гость на се́рдце полага́яй.

Ра́дуйся, Михаи́ле, вели́кий Архистрати́же, со все́ми Небе́сными си́лами.

Конда́к 6.

Провозве́стника тя́ Бо́жиих суде́б егда́ узре́ не́когда Мано́е, недоуме́ния и стра́ха испо́лнися, мня́ не жи́ти ктому́ на земли́; науче́н же от жены́ своея́ о бла́гости явле́ния и кро́тости слове́с твои́х, в ра́дости о име́вшем роди́тися, по словеси́ твоему́, сы́не свое́м Сампсо́не, благода́рне возопи́ Бо́гу: Аллилу́иа.

И́кос 6.

Возсия́л еси́ пречу́дно сла́вою, Михаи́ле, егда́ во о́бразе челове́честе пред Иису́сом Нави́ном ста́л еси́, глаго́ля: Иззу́й сапо́г с ногу́ твое́ю: а́з е́смь Архистрати́г си́лы Госпо́дни. Таково́му явле́нию твоему́ чудя́щеся, с любо́вию вопие́м ти́:

Ра́дуйся, боговенча́нных гла́в неусы́пный охрани́телю; ра́дуйся, противля́ющихся вла́сти, я́ко Бо́жию повеле́нию проти́вящихся, ско́рый низложи́телю.

Ра́дуйся, усмири́телю наро́дных треволне́ний; ра́дуйся, незри́мый упраздни́телю злочести́вых обы́чаев.

Ра́дуйся, я́ко ты́ просвеща́еши сомня́щихся в ча́с лю́тых недоуме́ний; ра́дуйся, я́ко ты́ исхища́еши искуша́емых от пагубоно́сных наважде́ний.

Ра́дуйся, Михаи́ле, вели́кий Архистрати́же, со все́ми Небе́сными си́лами.

Конда́к 7.

Хотя́й Влады́ка вся́ческих показа́ти, я́ко жре́бии сыно́в челове́ческих не самослуча́йнии су́ть, но в десни́це Его́ вы́ну содержа́тся, даде́ тя́ ца́рствам земны́м засту́пника и храни́теля, да племена́ и наро́ды к ве́чному Ца́рствию Бо́жию уготовля́еши; сего́ ра́ди вси́, ве́дущии о вели́цем служе́нии твое́м спасе́нию челове́ческому, благода́рне зову́т Бо́гу: Аллилу́иа.

И́кос 7.

Но́вая чудеса́ показа́ на́м, Архистрати́же, тобо́ю на земли́ все́х чуде́с Творе́ц и Влады́ка, егда́ хра́м, во и́мя твое́ созда́нный, от потопле́ния вода́ми ре́чными ди́вно спа́сл еси́, струя́м пото́ка в не́дра земна́я устреми́тися повеле́вый: е́же ви́дя блаже́нный Архи́пп с духо́вными ча́ды свои́ми, благода́рне к тебе́ возопи́:

Ра́дуйся, святы́х хра́мов Бо́жиих несокруши́мая огра́до; ра́дуйся, враго́м ве́ры Христо́вы необори́мая прегра́до.

Ра́дуйся, его́же веле́нию стихи́и покаря́ются; ра́дуйся, и́мже вси́ зло́бнии за́мыслы сокруша́ются.

Ра́дуйся, ве́рным ра́дость от Престо́ла Вседержи́теля износя́щий; ра́дуйся, неве́рных на стезю́ пра́вды и и́стины приводя́щий.

Ра́дуйся, Михаи́ле, вели́кий Архистрати́же, со все́ми Небе́сными си́лами.

Конда́к 8.

Стра́нное чу́до си́лы твоея́, Архистрати́же Бо́жий, уве́де на себе́ Авваку́м, егда́ по ма́нию Бо́жию восхи́тив, прине́сл еси́ его́ скороте́чне от Иуде́и в Вавило́н, да́ти пи́щу Дании́лу, в ро́ве со львы́ заключе́ну: те́мже уди́влься превели́кому де́йствию си́лы твоея́, возопи́ с ве́рою: Аллилу́иа.

И́кос 8.

Ве́сь еси́ в вы́шних, Михаи́ле, Престо́лу Царя́ Сла́вы предстоя́й, не дале́к еси́ и от ни́жних, ра́туя вы́ну со врага́ми спасе́ния челове́ческаго: те́мже вси́ вожделе́ннаго Оте́чества Небе́снаго дости́гнути хотя́щии согла́сно тебе́ зову́т:

Ра́дуйся, нача́льниче трисвята́го а́нгельскаго пе́ния; ра́дуйся, земноро́дных при́сно гото́вый предста́телю и храни́телю.

Ра́дуйся, прего́рдаго фарао́на с неве́рными еги́птяны порази́вый страннообра́зно; ра́дуйся, ве́рныя иуде́и путеводи́вый в пусты́ни пресла́вно.

Ра́дуйся, и́мже угаси́ся пла́мень пещи́ вавило́нския; ра́дуйся, и́мже посрами́шася ко́зни бесо́вския.

Ра́дуйся, Михаи́ле, вели́кий Архистрати́же, со все́ми Небе́сными си́лами.

Конда́к 9.

Вси́ и́ноцы Святы́я Горы́ Афо́нския в ра́достный тре́пет приидо́ша, ви́дяще, ка́ко богобоя́зненна о́трока, неи́стовно от нечести́вых златолю́бцев во глубину́ морску́ю с ка́менем пове́ржена, спа́сл еси́: те́мже прия́вшая его́ оби́тель, и́менем твои́м красу́ющися, благода́рне взыва́ет ко Го́споду: Аллилу́иа.

И́кос 9.

Вети́й глаго́лы и любому́дров смы́слы не довле́ют ко изглаго́ланию си́лы твоея́, Михаи́ле, ка́ко во еди́ну но́щь сто́ о́смьдесят и пя́ть ты́сящ порази́л еси́ от во́ев царя́ ассири́йска Сеннахири́ма, да нака́жется про́чее не ху́лити и́мя Госпо́дне: мы́ же, почита́юще святу́ю ре́вность твою́ о сла́ве Бо́га И́стиннаго, с весе́лием зове́м ти́ си́це:

Ра́дуйся, правосла́вных во́инств непобеди́мый воево́до; ра́дуйся, злове́рных ра́тей стра́х и низложе́ние.

Ра́дуйся, пра́выя ве́ры и богопочита́ния насади́телю; ра́дуйся, душевре́дных ересе́й и раско́лов искорени́телю.

Ра́дуйся, благочести́выя Маккаве́и на по́ле бра́ни мно́гажды укрепи́вый; ра́дуйся, нечести́ваго вождя́ Антио́хова Илиодо́ра в саме́м хра́ме порази́вый.

Ра́дуйся, Михаи́ле, вели́кий Архистрати́же, со все́ми Небе́сными си́лами.

Конда́к 10.

Спасти́ся хотя́щим на́м бу́ди помо́щник тве́рд, Архистрати́же Бо́жий, избавля́яй и храня́й на́с от бе́д и напа́стей, па́че же от злы́х на́выков и грехо́в на́ших, да, преспева́юще в ве́ре, наде́жде и любви́ Христо́ве, с ра́достию о преди́внем заступле́нии твое́м, ко Влады́це А́нгелов и челове́ков благода́рне зове́м: Аллилу́иа.

И́кос 10.

Стена́ еси́ ве́рующим челове́ком, Архистрати́же Бо́жий, и сто́лп кре́пок во бране́х со врага́ми ви́димыми и неви́димыми: сего́ ра́ди от сете́й бесо́вских тобо́ю избавля́еми, благода́рным се́рдцем и усты́ зове́м си́це:

Ра́дуйся, враго́м ве́ры и сопроти́вником Святы́я Це́ркве непобеди́мый противобо́рниче; ра́дуйся, смире́нным провозве́стником Ева́нгелия неутоми́мый споспе́шниче.

Ра́дуйся, во тьме́ злове́рия седя́щих све́том ве́ры Христо́вы просвеща́яй; ра́дуйся, лжему́дрием объюро́девших на стезю́ и́стины и покая́ния наставля́яй.

Ра́дуйся, гро́зный отмсти́телю кляну́щимся и́менем Бо́жиим всу́е; ра́дуйся, молниено́сный кара́телю глумя́щихся безу́мне о та́инствех святы́я ве́ры.

Ра́дуйся, Михаи́ле, вели́кий Архистрати́же, со все́ми Небе́сными си́лами.

 

Конда́к 11.

Пе́ние вся́кое хвале́бное побежда́ется мно́жеством чуде́с твои́х, Архистрати́же Бо́жий, я́же соверше́на су́ть тобо́ю не то́чию на Небеси́ и на земли́, но и в те́мных се́нех преиспо́дней, иде́же глуби́ннаго зми́я связа́л еси́ у́зами си́лы Госпо́дни, да избавля́емии от зло́бы его́ благословя́т Влады́ку Небесе́ и земли́, зову́ще: Аллилу́иа.

И́кос 11.

Светоно́сный служи́тель и́стины и чистоты́ богопочита́ния яви́лся еси́, Архистрати́же, егда́, прови́дя ко́зни ду́ха тьмы́, воспрети́л еси́ ему́ и́менем Бо́жиим, да не де́рзнет сокрове́нное те́ло почи́вшаго вождя́ Изра́илева Моисе́а яви́ти ко обоже́нию чу́вственным сыново́м Изра́илевым: сего́ ра́ди, чту́ще ны́не благосве́тлый собо́р тво́й, благода́рне вопие́м ти́:

Ра́дуйся, чистоту́ богове́дения во дни́ Ве́тхаго Заве́та среди́ иуде́ев сохрани́вый; ра́дуйся, пле́велы заблужде́ний во дни́ Но́выя благода́ти мно́гажды искорени́вый.

Ра́дуйся, язы́ческих прорица́лищ и куми́ров истреби́телю; ра́дуйся, христиа́нских подви́жников и страстоте́рпцев укрепи́телю.

Ра́дуйся, немощны́я ду́хом си́лою благода́ти Бо́жией исполня́яй; ра́дуйся, изнемога́ющия пло́тию всеору́жием ве́ры облека́яй.

Ра́дуйся, Михаи́ле, вели́кий Архистрати́же, со все́ми Небе́сными си́лами.

Конда́к 12.

Благода́ть от Бо́га с Небесе́ испроси́ на́м, пою́щим во сла́ву всечестна́го и́мене твоего́, Михаи́ле, да, осеня́еми твои́м заступле́нием, во вся́ком благоче́стии и чистоте́ поживе́м, до́ндеже, отреше́ннии сме́ртию от у́з пло́ти, сподо́бимся предста́ти огнезра́чному Престо́лу Царя́ Сла́вы и с ли́ки а́нгельскими возопи́ти: Аллилу́иа.

И́кос 12.

Пою́ще многообра́зная твоя́ чудеса́, Михаи́ле, во спасе́ние на́ше соде́янная, мо́лим Го́спода и Влады́ку вся́ческих, да ду́х ре́вности по сла́ве Бо́жией, и́же в тебе́, николи́же оскуде́ет и в на́с, зову́щих ти́ си́це:

Ра́дуйся, ве́рных рабо́в Бо́жиих во вре́мя благопотре́бно на высоту́ вла́сти преди́вне поставля́яй; ра́дуйся, проде́рзых и недосто́йных с высоты́ си́лы и сла́вы незри́мо низлага́яй.

Ра́дуйся, в де́нь после́дний избра́нных от четы́рех конце́в земли́ име́яй собра́ти; ра́дуйся, и́мже гре́шнии, я́ко пле́велы, по гла́су Бо́жию, огню́ ве́чному пре́дани бу́дут.

Ра́дуйся, и́мже сатана́ со а́ггелы его́ во е́зеро о́гненное на ве́ки пове́ргнется; ра́дуйся, и́мже пра́веднии во оби́телех Отца́ Небе́снаго пресла́вне водворя́тся.

Ра́дуйся, Михаи́ле, вели́кий Архистрати́же, со все́ми Небе́сными си́лами.

Конда́к 13.

О пречу́дный Арха́нгелов и А́нгелов нача́льниче, за преди́вное служе́ние твое́ спасе́нию ро́да челове́ческаго приими́ от на́с возноси́мый к тебе́ ны́не гла́с хвалы́ и благодаре́ния, и я́ко испо́лнь си́лы Бо́жией, покры́й на́с невеще́ственныма крило́ма твои́ма от все́х вра́г ви́димых и неви́димых, да прославля́емому тобо́ю и просла́вившему тя́ Го́споду вы́ну зове́м: Аллилу́иа.

Этот конда́к читается трижды, затем 1-й и́кос и 1-й конда́к.

Значение акафиста Архангелу Михаилу

Значение текста с ударением акафиста архангелу Михаилу заключается в передаче молитвенного духа праотцов. Содержание молитвы повествует не просто о явлениях, а об исторических событиях.

Акафист Архангелу Божию Михаилу (текст с ударением)

Значение текста с ударением акафиста архангелу Михаилу заключается в передаче молитвенного духа праотцов

Тест акафиста является достоверным свидетельством, потому что только сохранность через время подтверждает истинность и божественную природу написанного в акафисте. В икосах, кондаках, гармонично переплетаются просительные и благодарственные обращения к архистратигу Михаилу.

Значение  акафиста определяется самим положением архангела Михаила – воевода Небесных Сил.

По каким случаям читается Акафист Архистратигу Михаилу

День памяти архангела Михаила отмечен дважды в году – 19 сентября и 21 ноября. Даты постоянные. В эти дни во всех православных храмах, в домашней молитве нужно читать акафист архангелу Михаилу.

Кроме установленных дат, к нему обращаются в любое время, когда этого требуют обстоятельства. Есть соборное обращение к архангелу Михаилу, которое благословляется батюшкой и читается в определённый день и час.

Акафист Архангелу Божию Михаилу (текст с ударением)

Акафист небесному Воеводе помогает земным воинам, защитникам Отечества, но не завоевателям чужих земель

Акафист небесному Воеводе помогает земным воинам, защитникам Отечества, но не завоевателям чужих земель. К нему обращаются в случаях опасных ситуаций.

Известен факт помощи известной защитнице французских земель – Жанне Дарк, когда она призвала на помощь Господа, было небесное явление архистратига Михаила с воинством, заставившее бежать англичан.

Акафист Архангелу Божию Михаилу (текст с ударением)

Известен факт помощи известной защитнице французских земель – Жанне Дарк, когда она призвала на помощь Господа

Для силы архангела Михаила нет невозможного, ибо она от Бога, но прежде всего он защитник.

Акафист Архангелу Михаилу (слушать онлайн, видео)

Сегодня технические возможности позволяют, не выезжая в Сретенский монастырь слушать акафист архангелу Михаилу дома.

Не всегда возможности в силу разных объективных причин совпадают с желаниями. Можно извлекать пользу для души, используя интернет, записи богослужений, молебнов. Слушая священника, легче воспринимается текст акафиста с ударением.

Слышно как правильно произносить слова молитвы. В одном из таких видео Владимир Головин акафист архангелу Михаилу читает наглядно, показывая, как правильно молиться.

Почему акафист архангелу Михаилу читают по понедельникам

В архангельской духовной иерархии ещё есть 7 архангелов. Каждый из них отвечает за конкретную духовную область. За каждым из них закреплён день недели. Это связано с циклом и упорядоченным церковным служением.

Акафист Архангелу Божию Михаилу (текст с ударением)

В архангельской духовной иерархии ещё есть 7 архангелов

Поскольку начало недели понедельник, то есть первый, соответственно, первый ангел среди всех ангельских сил — архангел Михаил. Это не значит, что текст акафиста архангелу Михаилу и всем Небесным Силам читается строго по понедельникам, но это поможет упорядочить духовный подвиг и быть в созвучии с правилами церковной жизни.

Скачать текст акафиста архангелу Михаилу

 

Акафист Архангелу Божию Михаилу (текст с ударением)

 

Вы читаете акафист архангелу Михаилу на русском или церковнославянском языке?

3
Комментарии

avatar
3 Цепочка комментария
0 Ответы по цепочке
0 Последователи
 
Популярнейший комментарий
Цепочка актуального комментария
3 Авторы комментариев
АлександраИгорьАнна Авторы недавних комментариев
Анна
Гость
Анна

Сама предпочитаю молиться на русском языке, хотя церковнославянский язык очень нравится

Игорь
Гость
Игорь

Начинал читать на русском, потом перешёл на церковнославянский язык, разница чувствуется.

Александра
Гость
Александра

По настроению как-то получается, даже не знаю с чем связано. Мне кажется, не так важно, на каком языке читать, главное как молиться.

Фильтр:ВсеОткрытРешеноЗакрытЖдет ответа
Отвеченоadminsha отвечен 2 дня назад • 
620 просм.6 ответ.2 голос.
ОтвеченоСергей спросил 4 дня назад • 
58 просм.1 ответ.0 голос.
ОтвеченоСергей спросил 2 недели назад • 
90 просм.1 ответ.0 голос.
ОтвеченоАнфиса спросил 2 недели назад • 
54 просм.1 ответ.0 голос.